Информационный интернет-ресурс; не является официальным источником какого-либо религиозного объединения
Меню сайта

Архив записей

VK
Посещаемость

· RSS 22.02.2024, 14:37

Главная » 2024 » Январь » 14 » Обрѣзаніе Господа Бога и Спаса нашего Ісуса Христа. Свт. Василія Великаго
12:00
Обрѣзаніе Господа Бога и Спаса нашего Ісуса Христа. Свт. Василія Великаго

На Престо́лѣ огнезра́чнѣмъ въ Вы́шнихъ сѣдя́и, со Отце́мъ Безнача́льнымъ, и Боже́ственнымъ Твои́мъ Ду́хомъ, благоволи́ роди́тися пло́тію на земли́, отъ Дѣ́вы Неискусому́жныя Ісу́се, сего́ ра́ди я́ко Человѣ́къ осмодне́вно обрѣ́зася. Сла́ва преблаго́му Твоему́ изволѣ́нію. Сла́ва неизрече́нному Твоему́ смотре́нию. Сла́ва е́же къ на́мъ человѣколю́бному Твоему́ соше́ствію, Еди́не Многоми́лостиве (Тропа́рь, гла́съ 1).

И́же вся́ческихъ Госпо́дь обрѣ́заніе пріе́млетъ, и человѣ́ческая прегрѣше́нія, я́ко Благъ потребля́етъ, дае́тъ спасе́ніе дне́сь ми́ру. Ра́дуетжеся въ Вы́шнихъ, и Зижди́телевъ святи́тель и денни́ца. Боже́ственыи таи́нникъ Христо́въ Васи́лій. (Конда́къ, гла́съ 3).

2 Кол 2:8-12; Зач. 254

Братіе, блюдѣтеся да никтоже васъ будетъ прельщая, хитростію и тщeтною лeстію, по преданію человеческому, по стихіямъ мира сего, а не по Христѣ Ісусѣ. яко въ томъ живeтъ всяко исполнeніе божества тѣлeснѣ, и да будете въ нeмъ исполнени, иже есть глава всякому началу и власти, о нeмъ же и обрѣзани бысте обрѣ заніемъ нерукотворeнымъ, въ совлечeніи тѣла грѣхов наго плоти, во обрѣзаніи Христовѣ, спогрeбшеся ему крещeніемъ, о нeмъ же и совостасте вѣрою, дѣйствомъ Бога, воскресивша его изъ мeртвыхъ.

Евр 7:26 – 8:2; Зач. 318
свт. Василія Великаго

Братіе, таковъ намъ подобаше архіерeй, прпдбенъ, незлобивъ, безсквeрненъ, и отлучeнъ отъ грѣшникъ, и выше небесъ бывъ, иже не имать по вся дни нужду, яко же первосвященницы, прeже о своихъ грѣсѣхъ жeртву приносити, потомъ же о людскихъ. Сіe бо сотвори единою себе принeсъ. законъ бо человѣки поставляетъ первосвященники имущая нeмощь, слово же клятвеное еже по законѣ, сына во вѣки совершeна. Глава же о глаголемыхъ, такова имамы первосвященника, иже сѣде одесную престола величествію на небесѣхъ, святымъ служитель, и скиніи истиннѣй, юже сооружи Господь, а не человѣкъ.

Лк 2:20-21, 40-52; Зач. 6

Во время оно, возвратишася пастыріе, славяще и хваляще Бога о всѣхъ яже слышаша и видѣша, яко же глаголано бысть къ нимъ. И егда исполнишася осмь дніи, да обрѣжутъ его, и нарекоша имя ему Ісусъ, наречeнное ангеломъ прeжде даже не зачатся во чревѣ. отроча же растяше и крѣпляшеся духомъ, исполняяся премудрости, и благодать Божія бѣ на нeмъ. И хождаста родителя его на всяко лѣто во Іерусалимъ, въ праздникъ пасхы. И егда бысть двоюнадесяте лѣту, восходящемъ имъ во Іерусалимъ, по обычаю праздника, и скончавшемъ дни, и возвращающимся имъ. оста отрокъ Ісусъ во Іерусалимѣ, и не разумѣ Іосифъ, и Мати его, мнѣвша же его въ дружинѣ суща, преидоша дне путь, и искаста его въ сродницѣхъ и въ знаемыхъ. и не обрѣтша его, возвратистася во Іерусалимъ взыскающа его. и бысть по тріeхъ днeхъ, обрѣтоста его въ церкови, сѣдяща посредѣ учителіи, и послушающа ихъ, и вопрашающа ихъ. Ужасахужеся вси послушающеи его, о разумѣ и о отвѣтехъ его. И видѣвша его, дивистася, и къ нему Мати его рече. чадо, что сотвори нама тако; се отецъ твой и азъ боляща искаховѣ тебе. И рече къ нима. что яко искасте мене; не вѣста ли яко въ тѣхъ яже Отца моего достоитъ быти ми; и та не разумѣста глагола, иже глагола има. И сниде съ нима, и пріиде въ Назарeѳъ, и бѣ повинуяся има. мати же его соблюдаше вся глаголы сія въ сердци своeмъ. И Ісусъ, преспѣваше премудростію и возрастомъ и благодатію отъ Бога и человѣкъ.

Лк 6:17-23; Зач. 24
свт. Василія Великаго

Во время оно, ста Ісусъ на мѣстѣ равнѣ, и народъ ученикъ его, и множество много людіи отъ всея Іюдeя, и Іерусалима, и поморія Тирска и Сидонска, иже пріидоша послушати его, и исцѣлитися отъ недугъ своихъ, страждущеи отъ духъ нечистыхъ, и исцѣляхуся. и вeсь народъ искаше прикасатися емъ, яко сила отъ него исхождаше и исцѣляше вся. И той возвeдъ очи свои на ученикы своя, глаголаше. Блажeни нищіи, яко ваше есть царствіе Божіе. Блажeни алчущеи нынѣ, яко насытитеся. Блажeни плачущеи нынѣ, яко восмѣeтеся. Блажeни будете егда возненавидятъ васъ человецы. и егда разлучатъ вы, и поносятъ, и пронесутъ имя ваше яко зло, сына человеческаго ради. возрадуйтеся въ той день и взыграйте. се бо мзда ваша многа на небеси.

Просмотров: 21 | Добавил: admin | Теги: РКЦВО