Информационный интернет-ресурс; не является официальным источником какого-либо религиозного объединения
Меню сайта

Архив записей

VK
Посещаемость

· RSS 01.02.2023, 14:48

Главная » 2022 » Декабрь » 18 » Недѣля 27-я по Пятидесятницѣ
12:00
Недѣля 27-я по Пятидесятницѣ

Егда́ снизше́лъ еси́ къ сме́рти, Животе́ Безсме́ртный, / тогда́ а́дъ оумертви́лъ еси́ блиста́ніемъ Божества́: / егда́ же и оуме́ршыя отъ преиспо́днихъ воскреси́лъ еси́, / вся́ си́лы небе́сныя взыва́ху: // Жизнода́вче, Христе́ Бо́же на́шъ, сла́ва Тебѣ́ (Тропарь воскресный, гласъ 2).

Воскре́слъ еси́ отъ гро́ба, Всеси́льне Спа́се, / и а́дъ ви́дѣвъ чу́до, оужасе́ся, / и ме́ртвіи воста́ша; / тва́рь же ви́дящи сра́дуется Тебѣ́, / и Ада́мъ свесели́тся, // и мі́ръ, Спа́се мо́й, воспѣва́етъ Тя́ при́сно (Кондакъ воскресный, гласъ 2).

Еф 6:10-17; Зач. 233

Братіе, возмогайте о Господѣ, и въ державѣ крѣпости его. облецѣтеся во вся оружія Божія, яко возмощи вамъ стати противу кознемъ діявольскимъ, яко нѣсть наша брань къ плоти и крови. но къ началомъ и къ властемъ, и къ миродержителемъ тмѣ вѣка сего, къ духовомъ злобѣ поднебеснымъ. Сего ради пріимѣте вся оружія Божія, да возможете про тивитися въ день лютъ, и вся содѣявше стати. станете убо препоясани чрeсла ваша истиною, и оболъкшеся въ броня правды, и обувше нозѣ во уготованіе благовѣствованія миру. надо всѣми же воспріимше щитъ вѣры, въ нeмъ же возможете вся стрѣлы лукаваго раждежeныя угасити, и шлeмъ спасeнія воспріимите, и мeчь духовныи, еже есть глаголъ Божіи.

Лк 13:10-17; Зач. 71

Во время оно, бѣ учя Ісусъ на единомъ отъ сонмищъ въ суботы. И се жена бѣ имущи духъ недуженъ, лѣтъ осмьнадесять, и бѣ сляка. и не могущися восклонити отнудъ. Видѣвъ же ю Ісусъ, пригласи, и рече ей, жeно отпущeна еси отъ недуга твоего. и возложи на ню руцѣ, и абіе простреся, и славляше Бога. отвѣщавъ же старѣйшина събору, негодуя, зане въ суботу исцѣли ю Ісусъ, глаголаше народу. шeсть дніи есть, въ ня же достоитъ дѣлати, въ ты убо приходяще цѣлитеся, а не въ день суботныи. отвѣщавъ же убо ему Господь, и рече. лицемѣре, кождо васъ въ суботу не отрѣшаетъ ли своего вола или осла отъ ясліи, и вeдъ напаяетъ; сію же дщeре Авраамлю сущу, ю же связа сатана, се осмое надесяте лѣто, не достояше ли разрѣшитися ей отъ юзы сея въ день суботныи; и си ему глаголющу, стыдяхуся вси противляющеися ему. и вси людіе радовахуся, о всѣхъ славныхъ бывающихъ отъ него.

Размышления

Что в Евангелии означает женщина, которая была скорчена восемнадцать лет?

Посредством скорченной женщины обозначается душа,тремя своими силами привязанная к чувственному. Ведь если число шесть — ибо за шесть дней был приведён к бытию чувственный мир — помножить на три, то получится восемнадцать. Если эта душа посредством покаяния придёт к Слову и Богу, то сделается здоровой — не согбенной более к земному, а рассматривающей небесную красоту.

прп. Максим Исповедник. Вопросы и недоумения. 176.

Просмотров: 25 | Добавил: admin | Теги: РКЦВО