Разруши́ Кресто́мъ Свои́мъ сме́рть, и отве́рзлъ еси́ разбо́йнику ра́й. Мѵроно́сицамъ пла́чь преложи́, и Апо́столомъ проповѣ́дати повелѣ́, я́ко воскре́се Христо́съ я́ко Бо́гъ, подая́ ми́рови ве́лію ми́лость (Тропа́рь, гла́съ 7).

Нектому́ держа́ва сме́ртная возмо́жетъ держа́ти человѣ́ки, Христо́съ бо сни́де, сокруша́я и разоря́я си́лы ея́, связу́емь быва́етъ а́дъ. Проро́цы согла́сно ра́дуются, предста́ глаго́люще Спа́съ су́щимъ въ вѣ́рѣ, изы́дите вѣ́рніи въ воскресе́ніе (Конда́къ, гла́съ 7).

2 Кор 6:1-10; Зач. 181

Братіе, поспѣшествующе молимъ, не во тще благодать Божію пріяти вамъ. Глаголетъ бо, во время пріятно послушахъ тебе, и въ день спасенія помогохъ ти. Се нынѣ врeмя благопріятно, се нынѣ день спасeнія. ни едино ни въ чeмъ же дающе претыканіе, да служeніе беспорочно будетъ, но во всeмъ представляюще себе яко же Божія слуги. въ терпѣніи мнозѣ, въ скорбѣхъ, въ бѣдахъ, въ тѣснотахъ, въ ранахъ, въ темницахъ, въ нестроeніихъ, въ трудѣхъ, во бдѣніихъ, въ пощeніихъ, въ очищeніихъ, въ разумѣ, въ долготерпѣніи, въ благости, въ дусѣ святѣ, въ любви нелицемѣрне, въ словеси истинѣ, въ силѣ Божіи, оружіи правды десными и шуими, славою и бесчeстіемъ, гаждeніемъ, и благохвалeніемъ, яко лестьцы и истинни, яко незнаеми, и познаваеми, яко умирающе, и се живи есмы, яко наказаеми, а не умерщвяеми. Яко скорбяще, присно же радующеся. яко нищи, а многихъ богатяще. яко ничесоже имуще, а вся содержаще.

Гал 6:11-18; Зач. 215
передъ Воздвиженіемъ

Брaтіе, видите колицѣми книгами писахъ вамъ моeю рукою. елицы хотятъ хвалитися по плоти, сіи нудятъ вы обрѣзатися, точію да не крестомъ Христовымъ гонятся. ни бо обрѣзающіися сами законъ хранятъ, но хотятъ вы обрѣзовати. да въ вашей плоти похвалятся. Мнѣ же да не будетъ хвалитися, точію о крестѣ Господа нашего Ісуса Христа, имъ же мнѣ вeсь миръ распяся, и азъ всему миру. о Христѣ бо Ісусѣ, ни обрѣзаніе что можетъ, ни необрѣзаніе, но нова тварь. и елицы правиломъ симъ жительствуютъ, миръ на нихъ и милость, на ізраили Божіи. прочее же труды да никтоже даeтъ ми. Азъ бо язвы Господа Ісуса на тѣлѣ моeмъ ношу. Благодать Господа нашего Ісуса Христа со духомъ вашимъ братіе. аминь.

Мф 25:14-30; Зач. 105

Рече Господь притчу сію, человѣкъ нѣкіи отходя, призва своя рабы, и предастъ имъ имѣніе свое, и овому убо дастъ пять талантъ, овому же два, овому же единъ, комуждо противу силѣ его, и отиде абіе. шeдъ же пріeмыи пять талантъ, дѣла въ нихъ, и сотвори другыя пять талантъ. Такожде же и иже два, пріобрѣте и той другая два. Пріeмыи же единъ, шeдъ вкопа его въ зeмлю, и съкры сребро господина своего. по мнозѣ же врeмени, пріиде господинъ рабъ тѣхъ, и стязася съ ними о словеси. И приступль пять талантъ пріeмыи, принесе другыя пять талантъ, глаголя. Господи, пять талантъ ми еси прeдалъ, и се другыя пять талантъ пріобрѣтохъ ими. Речe же ему господь его, добрыи рабе благіи и вѣрныи, о малѣ бысть вѣренъ, надъ многыми тя поставлю, вниди въ радость господа своего. Приступль же и иже два таланта пріeмыи, рече. Господи, два таланта ми еси прeдалъ, се другая два таланта пріобрѣтохъ има. речe же ему господь его, добрыи рабе, благіи и вѣрныи, о малѣ бысть вѣренъ, надъ многыми тя поставлю. вниди въ радость господа своего. Приступль же и пріeмыи единъ талантъ, рече. Господи, вѣдѣхъ тя яко жестокъ еси человѣкъ. жнeши, удуже не сѣялъ еси. и собираеши, удуже не расточилъ еси. и убоявся шeдъ съкрыхъ талантъ твой въ земли, и се имаши твое. отвѣщавъ же господь его рече ему. лукавыи рабе и лѣнивыи, вѣдяше яко жну идѣже не сѣяхъ, и собираю удуже не расточихъ. Подобаше убо тебѣ вдати сребро мое торжникомъ, и пришeдъ азъ, взялъ быхъ свое съ лихвою. возмѣте убо отъ него талантъ, и дадите имущему дeсять талантъ. Имущему бо вездѣ дано будетъ и преизбудетъ. отъ неимущаго же, и еже мнится имѣя взято будетъ отъ него. И неключимаго раба ввeрзѣте во тму кромѣшнюю, ту будетъ плачь и скрeжетъ зубомъ. Сія глаголя возгласи. имѣяи уши слышати, да слышитъ.

Ин 3:13-17; Зач. 9
передъ Воздвиженіемъ

Рече Господь, никтоже взыде на небо, токмо съшeдыи съ небесе, Сынъ Человеческіи, сыи на небеси. и яко же Моисeй вознесе змію въ пустыни, тако подобаетъ вознестися сыну человеческому, да всякъ вѣруяи вонь не погибнетъ, но имать животъ вѣчныи. Тако бо возлюби Богъ миръ, яко и сына своего единороднаго далъ есть, да всякъ вѣруяи вонь не погибнетъ, но имать животъ вѣчныи. Не посла бо Богъ сына своего въ миръ, да судитъ мирови, но да спасeтся имъ миръ.

Размышление

Притча о талантах, приведённая в Евангелии от Матфея, наталкивает на очень простую мысль. Насколько бесплоден страх в качестве мотива для наших поступков. Обратите внимание: образ господина, сложившийся в представлении третьего раба, вызывает в нём страх. Казалось бы, боишься — так трудись, чтобы избежать наказания, если господин таков, что «жнёт, где не сеял». Но страх распространяется дальше и приводит к боязни рисковать, страх лишает свободы и парализует. Не случайно Бог всегда при встрече с человеком говорит: «Не бойся». Он освобождает нас, Он хочет нашей ответственной инициативы, Он даёт нам авансом разнообразные таланты (дары) для их преумножения — так, чтобы их было больше, чем нам нужно, чтобы мы могли ими делиться, возрастая в братолюбии, тем самым свидетельствуя о Божией любви.

БИБЛИЯ-ЦЕНТР. Мысли вслух.